| 發言人: | |
| 標題: | Re:Re:無良僱主 |
| 內容: | 回應:不過我知有無良打工專搵老細老襯,即厄錢!我連續見到兩個!老細不在就唔做野,老細在就係咁以打幾個電話做樣,功課交唔出,根本無心留在公司,去廁所就打電話約見其他工,但係又唔主動辭職想博炒有得補通知期;另一個重衰,交唔出功課不但止,重未同公司商量獲准就如無尾飛砣飛了去大陸,失蹤幾日回來說肩膀因在大陸坐電單車被匪徒搶手袋跌落地扭傷,被搶又無報公安,"受傷"那邊還可拿住手機打電話,找個"睇到熟"的醫生開張病假紙話工傷放假10大日,拿公司一個月人工,失蹤半個月(包括那些"古惑假")!即係要其他伙記賺錢去養佢地份人工,你話呢D打工幾無良!無咁無良的打工包括那些成日算住份糧得咁少,成日埋怨唔加人工,似乎只有公司欠佢,無野做公司容許(非正式,即不干涉)佢睇報紙聽收音機,但卻有野做時夠鐘搭正就收工,俾你做老細,你點加佢人工?!似乎這類心態的打工真不少!希望看到這裡的都不是這類無良打工仔!世上事是相對的,不否認有無良僱主,但這類無良打工亦不少! |