驚 蟄 打 小 人
驚 蟄 有 乜 特 別 ? 大 概 有 兩 點 。 其 一 , 由 驚 蟄 開
始 , 春 雷 鳴 動 , 將 蟄 伏 於 地 下 過 冬 之 動 物 驚 醒
, 蛇 蟲 鼠 蟻 紛 紛 鑽 出 地 面 搵 食 。 即 係 話 , 大 地
回 春 , 氣 溫 上 升 , 春 天 真 的 來 臨 了 。 對 北 方 居
民 更 是 大 好 消 息 , 因 為 冬 天 已 經 過 去 , 唔 會 再
冷 到 舊 舊 震 。 在 本 埠 , 因 為 冬 天 冇 乜 冷 , 蛇 蟲
鼠 蟻 長 年 活 動 , 根 本 就 不 必 蟄 伏 。 至 於 行 雷 ,
冬 天 常 慣 , 何 必 等 到 驚 蟄 呢 ?
其 二 , 民 俗 興 在 此 日 打 小 人 。 其 實 這 只 是 廣 東
民 俗 , 北 方 之 民 俗 似 乎 並 無 此 風 俗 也 。 打 小 人
時 , 預 先 用 紙 剪 一 個 人 形 , 寫 上 被 打 之 人 之 名
字 。 晚 上 , 在 三 叉 小 路 口 , 插 香 點 燭 , 拜 祭 一
番 , 口 中 唸 唸 有 詞 , 大 概 是 責 罵 小 人 , 請 天 地
鬼 神 齊 齊 降 罪 於 他 。 然 後 將 此 小 人 按 於 地 上 ,
用 鞋 屐 之 底 大 力 拍 打 之 , 愈 大 力 愈 好 , 務 必 將
此 小 人 拍 扁 拍 爛 , 方 洩 心 頭 之 恨 。 打 小 人 者 ,
想 必 平 日 常 受 此 小 人 之 欺 負 或 欺 騙 , 或 在 親 友
之 前 惡 意 詆 譭 佢 , 或 無 中 生 有 、 搬 弄 是 非 、 挑
撥 離 間 、 篤 背 脊 、 砌 生 豬 肉 , 害 到 佢 雞 毛 鴨 血
。 但 自 己 又 勢 弱 不 能 與 之 抗 爭 。 鬧 又 唔 夠 人 鬧
、 打 又 唔 夠 人 打 , 谷 氣 谷 到 成 個 人 幾 乎 爆 炸 。
有 仇 不 能 報 , 條 氣 點 順 ? 於 是 就 借 打 小 人 之 行
為 出 番 啖 氣 。 猛 咁 咒 , 用 最 惡 毒 之 語 言 去 咒 。
猛 咁 打 , 用 盡 平 生 氣 力 去 打 。 大 概 發 洩 之 後 心
理 就 達 致 平 衡 , 不 致 被 激 病 、 激 奀 、 激 到 嘔 血
。 雖 然 , 打 了 小 人 之 後 , 該 小 人 是 否 得 到 應 有
懲 罰 , 是 否 被 咒 到 仆 街 、 磡 家 剷 、 雷 公 劈 、 生
仔 冇 屎 忽 、 死 無 葬 身 之 地 , 一 於 懶 理 , 總 之 咒
過 就 算 。 可 能 該 小 人 被 咒 之 後 更 加 發 達 , 龍 馬
精 神 , 吹 到 你 脹 。 其 實 , 一 個 人 做 了 壞 事 , 佛
家 說 是 造 了 口 業 、 意 業 、 身 業 , 自 會 得 到 果 報
, 何 勞 你 費 心 去 給 他 判 罪 定 刑 ? 你 咒 罵 別 人 ,
自 己 亦 造 了 口 業 , 將 來 受 到 果 報 , 豈 非 更 蝕 底
? 不 特 此 也 , 打 小 人 仲 兼 祭 白 虎 。 即 係 拜 一 隻
紙 紮 老 虎 , 用 一 舊 肥 豬 肉 塞 入 佢 口 中 , 以 為 佢
食 肥 豬 肉 , 唔 得 閒 用 口 傷 人 , 便 可 保 平 安 大 吉
。 呢 隻 老 虎 有 冇 咁 笨 呀 ? 一 舊 肥 肉 唔 夠 佢 一 啖
吞 落 肚 , 佢 要 傷 人 時 , 仲 可 以 繼 續 傷 人 也 。 而
且 咁 做 犯 了 防 止 賄 賂 條 例 。 一 舊 豬 肉 就 將 老 虎
收 買 ? 「 妾 」 唔 「 妾 」 的 呀 ? 迷 信 起 來 真 冇 收
。 唔 好 以 為 無 知 婦 人 先 至 打 小 人 , 香 港 大 名 鼎
鼎 之 白 姐 姐 俾 電 台 炒 魷 之 後 , 亦 學 人 去 打 小 人
也 。 不 過 打 了 小 人 之 後 , 小 人 仍 然 意 氣 風 發 ,
而 佢 自 己 則 好 似 唔 多 掂 。 可 能 佢 話 晒 都 係 時 髦
人 , 唔 多 識 打 小 人 之 規 矩 , 咒 人 亦 唔 咒 得 咁 應
棍 , 所 以 唔 靈 。 不 過 , 咒 得 人 多 會 自 作 自 受 ,
不 如 慳 番 啖 氣 暖 下 肚 啦 。